وصفه الكوسه بالكراست الصحيه مع صوص المايونيز ... تعرفى على الطريقة من هنا

وصفه الكوسه بالكراست الصحيه مع صوص المايونيز   
....................................................................................................

انهارد انا جيه بواصفه جديده للكوسه والوصفه دي لكل اولادنا الي مبيحبوش الكوسه وطبعا كلنا عارفين هي قد ايه الكوسه مهمه كعنصر من اكلتنا تعالي كده خدي فكره عن اهميتها واعرفي هي بتحتوي علي قد ايه من فوائد وعناصر مهمه لجسمنا وفيتامينات ربانيه كلها وقد ايه غنيه بالاملاح والمعادن الاسايسيه فهي فيها  نسبه كبيره من الماء وهي مصدر جيد لڤيتامين A وكمان بتحتوي علي نسبه كبيره من ڤيتامين B المركب وبتحتوي علي نسبه كبيره من المغنسيوم والبوتاسيوم وتحتوي علي مضاد للاكسده قوي. 

خلطه (  الكراست ) 

1 _  2 كوب بقسماط ناعم .
2 – 1/2 كوب دقيق ابيض. 
3 _ 1/4 كوب نشا. 
4 _ 1 كوب شوفان رقائق  ( وطبعآ كلنا عارفين فايده الشوفان للشعر والبشره واحتوائه علي ڤيتامين D  ) 
5 _ باكو بيكينج بودر. 
6 _ معلقه صغيره كركوم  .
7 _ معلقه صغيره بابريكا . 

 احنا كده خلصنا من وصفه الكراست الي تقدري تستخدميها في اي وصفه بانيه .......
نبتدي في الكوسه نجيب الكوسه نخسلها كويس عشان هنعملها بقشرها عشان نستفيد منها علي قد منقدر .

1 / نجيب الكوسه ونقطعها صوابع  .
2 / نعمل طبق في بيض وحبت لبن صغيرين وعليه الملح والفلفل زي متحيبي .
3 / نغطس الكوسه في طبق البيض وبعدها في خليط الكراست الي عملناه ونكررها تاني والحركه دي بتخلي الكراست حلو ومقرمش وكرنشي .
4 / ندخلها الثلاجه ساعه عشان الكراست يمسك .
والمفجاه هنا احنا مش هنحمر احنا هنرش بالبخاخ زيت وندخلها الفرن الي سخناه علي درجه 200 وهتاخد سوه 15 دقيقه او اقل كمان .
الف هنا وشفا..........